Bir uşaq incimişdi məktəbdən,
Dedi: - Ey xaliqi-zəminü zəmən,
Bir ölüm ver bizim bu ustadə,
Ta olum məktəbindən azadə.
Bir doyunca gedim gəzim baği,
Həm edim baği seyr, həm daği.
Bu duani eşitdi mollası,
Dedi: - Oğlum, bunun nə mənası?
Mən əgər rehlət etsəm üqbayə,1
Qoyar atan bir özgə mollayə.
Atanın mərgini2 istə, ey nadan,
Qalasan ta yetimü sərgərdan. 
 

--------------------------------------------------------------------------------
 
   1Üqba – o biri dünya, axirət dünyası.
   2Mərg – ölüm, vəfat.