Xeyr, hörüklərin deyildir ilan,

O əski şairlər söyləmiş yalan,

Məni xəyal kimi ayağa salan

O coşqun dalğalı telin işidir.

Bunu yaxşı bilir tanış yolçular,

Nə sən günahkarsan, nə mən günahkar.

Bu ovçu könlümə verməyə qərar,

O zərif qamətin, belin işidir.

Müşfiqəm, sözümdə tapılmaz yalan,

Gözündür könlümü odlara salan,

Qəlbimi ovlayıb, canımı alan,

O bülbül nəğməli dilin işidir.

Məlumatlar http://mikayilmushfiq.azeriblog.com saytından.