Mətbuat aləminə qədəmgüzar olan möhtərəm “bəhlul” jurnalımızı mən səmimuqəlb təbrik, dəvam və bəqasını həqdən t1emənna ediyorum. Məlfufənizdə əxbar, əşar və müştəri təmənnasında bulunduğunuzdan dolayı ərz edirəm üç-dörd ay olur ki, dükan açıb kəsbkara məşğul olduğumdan, idarələrə məlum olduğu kimi, əxbarnəvisliyi bilkulliyə tərk etməyə məcburəm.          
          Və kəza müştəri aramağa daha kəsrəti-məşağilimdən vəqtim qalmadığı üçün cənablarınızdan münfəiləm.
          Ancaq həyatı-milliyyəmizə dair şer yazmaq ilə müavinətimizdə bulunmaqda olacağımı, yazdığım şerləri imzasız dərc etməniz şərtilə vəd ediyorum.

Eləkbər Sabir Tahirzadə Şirvani

          Bəd-əttəhir. Əfəndim! Insafsız adamlar az deyildir; bəsa ola bilər ki, bir şəxsin, ya bir əmrin əleyhində mənim əqidəmin bərəksi olan qərəzi-şəxsiyyə, xahişi-nəfsaniyyələr sayəsində məktublar yazılsın, sizi inandırmaqdan ötrü mənim adım ilə imzalayıb göndərilməsin, siz də aldanasınız. Ona görə lazım gətirir ki, əvvələn, mənim şiveyi-xəttimə diqqət buyurub tanıyasınız və saniyəm, minbəd sizə göndərəcək olduğum kağızda imza qoymuyub, əvəzində sizin poçta nömrənizi yazacağam(248).