Bir gün iki axmaq yol ilə gedirlərdi. Biri dedi ki, allah-taala mənə bir sürü qoyun verəydi, min rəs olaydı. Birisi dedi ki, allah-taala mənə bir sürü qurd verəydi, min baş olaydı, ta ki, sənin qoyunlarını yeyərdilər.
   Ol qoyun istəyən qəzəbnak oldu, onu söydü və davaya başladılar. Nagah Cüha onlara rast gəldi. Davanın səbəbini xəbər aldı. Hekayəti bəyan elədilər. İttifaqən Cühanın əlində bir bəsti bal var idi. Bəstini sərazir elədi, balı yerə tökdü.    Dedi ki, mənim qanım bu bal kimi tökülsün ki, cəmi dünyada sizdən axmaq adam yoxdur.